هَلْ اَتٰىكَ حَدِیْثُ الْغَاشِیَةِ ١
1. তোমাৰ ওচৰলৈ আচ্ছন্নকাৰী (ক্বিয়ামতৰ) সংবাদ আহিছেনে?
وُجُوْهٌ یَّوْمَىِٕذٍ خَاشِعَةٌ ٢
2. সেইদিনা কিছুমান মুখমণ্ডল হ’ব অৱনত,
عَامِلَةٌ نَّاصِبَةٌ ٣
3. কৰ্মক্লান্ত, পৰিশ্ৰান্ত,
تَصْلٰی نَارًا حَامِیَةً ٤
4. সিহঁতে প্ৰৱেশ কৰিব জ্বলন্ত জুইত;
تُسْقٰی مِنْ عَیْنٍ اٰنِیَةٍ ٥
5. (সিহঁতক) উত্তপ্ত উতলা নিজৰাৰ পানী পান কৰিবলৈ দিয়া হ’ব;
لَیْسَ لَهُمْ طَعَامٌ اِلَّا مِنْ ضَرِیْعٍ ٦
6. সিহঁতৰ বাবে কাঁইটবিশিষ্ট ঘাঁহৰ বাহিৰে আন কোনো খাদ্য নাথাকিব,
لَّا یُسْمِنُ وَلَا یُغْنِیْ مِنْ جُوْعٍ ٧
7. এই খাদ্যই সিহঁতৰ পুষ্টিও সাধন নকৰিব আৰু ক্ষুধাও নিবৃত্ত নকৰিব।
وُجُوْهٌ یَّوْمَىِٕذٍ نَّاعِمَةٌ ٨
8. সেইদিনা কিছুমান মুখমণ্ডল হ’ব আনন্দোজ্জ্বল,
لِّسَعْیِهَا رَاضِیَةٌ ٩
9. নিজৰ কৰ্মৰ সাফল্যত পৰিতৃপ্ত,
فِیْ جَنَّةٍ عَالِیَةٍ ١٠
10. (তেওঁলোকে স্থান পাব) সুউচ্চ জান্নাতত,
لَّا تَسْمَعُ فِیْهَا لَاغِیَةً ١١
11. তাত তেওঁলোকে কোনো অনৰ্থক কথা শুনিবলৈ নাপাব,
فِیْهَا عَیْنٌ جَارِیَةٌ ١٢
12. তাত থাকিব প্ৰবাহমান নিজৰা,
فِیْهَا سُرُرٌ مَّرْفُوْعَةٌ ١٣
13. তাত থাকিব উন্নত শয্যাসমূহ,
وَاَكْوَابٌ مَّوْضُوْعَةٌ ١٤
14. আৰু প্ৰস্তুত থাকিব পানপাত্ৰসমূহ,
وَنَمَارِقُ مَصْفُوْفَةٌ ١٥
15. আৰু শাৰী শাৰীকৈ ৰখা গাৰুসমূহ,
وَزَرَابِیُّ مَبْثُوْثَةٌ ١٦
16. আৰু বিস্তৃত পাৰি থোৱা দলিচাসমূহ,
اَفَلَا یَنْظُرُوْنَ اِلَی الْاِبِلِ كَیْفَ خُلِقَتْ ١٧
17. ইহঁতে উটৰ পিনে দৃষ্টিপাত নকৰে নেকি, কেনেকৈ তাক সৃষ্টি কৰা হৈছে?
وَاِلَی السَّمَآءِ كَیْفَ رُفِعَتْ ١٨
18. আৰু আকাশৰ ফালে, কেনেকৈ তাক উৰ্দ্ধত স্থাপন কৰা হৈছে?
وَاِلَی الْجِبَالِ كَیْفَ نُصِبَتْ ١٩
19. আৰু পৰ্বতসমূহৰ ফালে, সেইবোৰ কেনেকৈ প্ৰতিষ্ঠিত কৰা হৈছে?
وَاِلَی الْاَرْضِ كَیْفَ سُطِحَتْ ٢٠
20. আৰু পৃথিৱীখনৰ ফালে, কিদৰে তাক বিস্তৃত কৰা হৈছে?
فَذَكِّرْ ؕ۫ اِنَّمَاۤ اَنْتَ مُذَكِّرٌ ٢١
21. এতেকে তুমি উপদেশ দিয়া, তুমিতো কেৱল এজন উপদেশদাতা,
لَسْتَ عَلَیْهِمْ بِمُصَۜیْطِرٍ ٢٢
22. তুমি সিহঁতৰ ওপৰত শক্তি প্ৰয়োগকাৰী নহয়।
اِلَّا مَنْ تَوَلّٰی وَكَفَرَ ٢٣
23. কিন্তু কোনোবাই মুখ ঘূৰাই ল’লে অথবা কুফৰী কৰিলে,
فَیُعَذِّبُهُ اللّٰهُ الْعَذَابَ الْاَكْبَرَ ٢٤
24. তেন্তে আল্লাহে তাক মহাশাস্তি প্ৰদান কৰিব।
اِنَّ اِلَیْنَاۤ اِیَابَهُمْ ٢٥
25. নিশ্চয় আমাৰ ওচৰতেই সিহঁতৰ প্ৰত্যাৱৰ্তন।
ثُمَّ اِنَّ عَلَیْنَا حِسَابَهُمْ ٢٦
26. আৰু সিহঁতৰ হিচাপ-নিকাচ আমাৰেই দায়িত্ব।